பகுதி 5. அத்தியாயம் 18: பல்வேறு உபரி-மதிப்பு வீத சூத்திரங்கள்

உபரி-மதிப்பு வீதச் சூத்திரங்கள்:

1. உபரி-மதிப்பு / மாறும்-மூலதனம் (s / v) = உபரி-மதிப்பு / உழைப்புச் சக்தியின் மதிப்பு = உபரி-உழைப்பு / அவசிய-உழைப்பு 

2. உபரி-உழைப்பு / வேலை-நாள் = உபரி-மதிப்பு / உற்பத்திப் பொருளின் மதிப்பு = உபரி-உற்பத்திப் பொருள் / மொத்த உற்பத்திப் பொருள்

வேலை-நாள் 12 மணி நேரம், அவசிய உழைப்பு நேரம் 6 மணி நேரம், உழைப்புச் சக்தியின் மதிப்பு 3 ஷில்லிங் எனக் கொள்வோம்.

6 மணி நேர உபரி-உழைப்பு / 6 மணி நேர அவசிய-உழைப்பு = 3 ஷில்லிங் உபரி-மதிப்பு / 3 ஷில்லிங் மாறும் மூலதனம் = 100%

இரண்டாவது சூத்திரத்திலிருந்து பெறப்படுவது முற்றிலும் வேறானது:

6 மணி நேர உபரி-உழைப்பு / 12 மணி நேர வேலை-நாள் = 3 ஷில்லிங் உபரி-மதிப்பு / 6 ஷில்லிங் படைத்த மதிப்பு = 50%

இந்த வழிச் சூத்திரங்கள் மெய்யாகவே வெளியிடுவது, வேலை-நாள் அல்லது வேலை-நாளில் உற்பத்தி செய்யப்படும் மதிப்பு முதலாளிக்கும் தொழிலாளிக்குமிடையே பங்கிடப்படும் விதத்தையே. இந்த சூத்திரம் மூலதனம் தற்பெருக்கமடையும் வீதத்தின் நேரடித் தெரிவிப்புகளாகக் கொண்டால் உபரி-உழைப்பு அல்லது உபரி-மதிப்பு ஒரு போதும் 100 சதவீதத்தை எட்ட முடியாது என்ற தவறான விதி செல்லத்தக்கதாகி விடும். 100 சதவிகிதத்தை அடைய வேண்டுமானால் முழு நாளும் (அதாவது ஒரு வாரத்தின் அல்லது ஆண்டின் சராசரி நாளும்) உபரி உழைப்புக்கே போய் விட வேண்டுமானால், அவசிய உழைப்பு பூஜியமாகி விட வேண்டும். ஆனால், உபரி-உழைப்பு அவசிய-உழைப்பையே சார்ந்து இருப்பதால், அவசிய உழைப்பு மறைந்து போனால் உபரி உழைப்பும் மறைந்து போகிறது. 

உபரி-மதிப்பையும் உழைப்புச் சக்தியின் மதிப்பையும் படைக்கப்பட்ட மதிப்பின் பின்னங்களாக காட்டுவது முதலாளித்துவ பொருளுற்பத்தி முறையிலிருந்து உதித்தெழுகிற ஒரு பழக்கம். 

மூன்றாவது சூத்திரம் ஒன்று உண்டு.

உபரி-மதிப்பு / உழைப்புச் சக்தியின் மதிப்பு = உபரி-உழைப்பு / அவசிய-உழைப்பு = ஊதியமில்லா உழைப்பு / ஊதிய உழைப்பு 

மூலதனம் என்பது உழைப்பின் மீதான ஆதிக்கம் மட்டுமன்று. சாராம்சத்தில் அதி ஊதியமில்லா உழைப்பின் மீதான ஆதிக்கமாகும். உபரி-மதிப்பு அனைத்துமே சாராம்சத்தில் ஊதியமில்லா உழைப்பின் பொருளாக்கம்தான்.